Akeh Caleg Gagal Pada Mlebu Nang Rumah Sakit Jiwa Purbalingga

Rabu, 15 Mei 2019 : 11:18
Yuh Waca

Welasan caleg gagal Pemilu pada mlebu Rumah Sakit Khusus Jiwa (RSKJ) H. Mustajab, Desa Bungkanel, Kecamatan Karanganyar, Purbalingga. Total, nang kono ana 12 caleg lan 5 anggota tim sukses ngalami gangguan jiwa. Dadi di total kabeh ana 17 wong.

Sing dirawat nang RSKJ H.Mustajab akeh sing wis pada digawa balik tapi juga ana sing esih dirawat. Pimpinan lan sing duwe RSKJ H.Mustajab, Supono Mustajab nuturna nek total pasien ana 17 wong. 9 wadon lan 8 lanang. Supono nambahna nek sing esih dirawat nang kono siki gari 8 wong.

Pasien-pasien mau teka kan daerah-daerah nang Indonesia, ana sing kan Sumatera, Kalimantan, lan Sulawesi. Akeh-akehe sing pada mlebu meng RSKJ kuwe caleg-caleg esih umure esih lumayan enom gara-gara pada depresi.

Caleg-caleg mau urung pada kuat mental ngalami kegagalan, akhire depresi. Tapi nang kono ana juga caleg sing ora dirawat inap. Ana sing teka mung njaluk banyu sing wis didongakna tok. Jerene Supono, caleg sing kan daerah Pantura juga relatif lewih kuat mentale dadi ra perlu dirawat inap.

"Mung pada ngungun (nyesel). Wis ngentokna duit akeh tapi kalah nang pemilu", ujare Supono.

Nang RSKJ H.Mustajab kuwe, pasien ditangani karo 3 metode lan beda cara penanganane daripada pasien umum.

Sing pertama, metode alamiah secara medis lan dokter. Kepindho, metode alamiah nganggo panganan sing seimbang. Ketelu, metode pendekatan Ilahiah sing nglibatna pasien meng kegiatan kaya solat jamaah, maca Al Quran, lan tausiah agama.

Share :