Spesifikasi Samsung A70 lan Regane. Didol Mulai Tanggal 18 April

Minggu, 14 April 2019 : 12:52
Yuh Waca

Samsung resmi ngenalna Galaxy A70 akhir Maret wingi nggo nandani nek smartphone anyare kiye wis genah bakal mlebu meng pasar Indonesia.

Samsung Galaxy A70 bisa dituku mulai tanggal 18 April 2019 ngesuk nganggo sistem pre-order. Nek rika pada arep pre-order, bisa lewat jalur online utawa teka langsung meng outlet resmine Samsung.

Nang masa pre-oder, Samsung nganakna promo cashback senilai Rp 500.000. Samsung Galaxy A70 kiye diregani Rp 5.799.000 nang Indonesia, dadi nek rika tuku pas masa pre-order, total regane mung Rp 5.299.000.

Diregani mandan dhuwur, kepriwe sih spesifikasi Galaxy A70 kiye?

Smartphone kiye nduweni layar sing ambane 6,7 inci nganggo resolusi layar 1.080 x 2.400 piksel. Layar Galaxy A70 wis ngadopsi layar sing aspek rasione 20:9. Amba banget mbok?

Ndeleng sektor kamera, Galaxy A70 nganggo set-up triple kamera mburi. Dadi kamera mburine ana 3. Lensa utama kamera mburi Galaxy A70 nganggo resolusi 32MP bukakan aperture f/1.7, 8MP lensa ultra-wide f/2.2, lan 5MP lensa depth sensor f/2.2. Nek ndeleng spesifikasi kamerane sih mantep banget lur.

Kamera ngarep hape kiye duwe lensa sing ukurane pada karo lensa utama kamera mburi, 32MP. Bedane, kamera ngarepe nganggo bukakan aperture f/2.0.

Urusan performa, Samsung ngandelna nganggo SoC paling anyar gaweane Qualcomm yaiku Snapdragon 675.

Go ngimbangi performa mau, smartphone kiye ana 2 varian RAM, 6 lan 8GB ditambah memori internal 128GB.

Batre hape kiye juga termasuke kapasitas gede, 4.500mAh sing wis mendukung fast-charging. Dadi nek arep nge-charge ora usah nunggu wektu kesuwen.

Jane Galaxy A70 kiye juga dikenalna unda-undi karo Galaxy A80 sing duwe kamera mburi bisa diputer meng ngare. Tapi Galaxy A80 urung ngerti kapan tanggal pastine mulai di dol nang Indonesia. Tungguni bae.

Share :