Ratu Tisha Mbenerna Nek Pemain Garuda Select Pada Dilirik Klub Inggris

Rabu, 20 Maret 2019 : 15:29
Yuh Waca


Pemain bal timnas Garuda Select pada diminati pada nang aring klub-klub Inggris. Jerene, ana klub sing njaluk data pemain-pemain lan pada kepengin ngrekrut.


Hal kuwe diakui nang Sekjen PSSI, Ratu Tisha. Tapi, Tisha ora gelem aweh bocoran klub Inggris endi sing minat meng bekas pada timnas Indonesia U-16 kuwe.


"Enyong ora bisa aweh ngerti (klub endi bae). Tapi intine sesuwene main nang Inggria, akeh talent scouting sing weruh lan ngontak PSSI nggo dijaluki data bocah-bocah kuwe (pemain Garuda Select) lewih lanjut. Tapi, ora ulih kelalen mbarang nek bocah-bocah kiye kudu berkompetisi, seurunge pada pindah meng usia 18 taun," jere Ratu Tisha nang SUGBK, Selasa (19/03).


"Bocahan kudu balik disit lan sing paling penting sekolahe kudu lulus. Karo, bakal ana bocah loro sing arep nglakoni Ujian Nasional (UN), yaiku David Maulana lan Sandi. Bocah kuwe kudu pinger-pinter ngatur waktu, soale sekolah sing utama," lanjute maning.



Nggo tambah-tambah informasi, Garuda Select kuwe merupakan pemain kan Liga 1 U-16 Elite Pro Academy karo para penggawa Timnas Indonesia U-16 sing maune dilatih nang Fakhri Husaini.


Siki, Garuda Select lagi nglakoni pemusatan latian nang Inggris sing merupakan perwujudan program kerja sama antara pihak sponsor, PSSI lan FA (federasi bal-balan Inggris).


Program kiye dipimpin nang Dennis Wise sing njabat dadi Direktur Teknik lan Des Walker sing dadi kepala pelatih.


"Bocah-bocah mbene bisa nglakoni secara resmi nang usia18 taun (perekrutan pemain nang klub menurut aturan FIFA). Dadi, intine kudu mbalik meng Indonesia, kudu berkompetisi nang Elite Pro Academy Liga 1 U-18. Dadi Insya Allah bakal terbuka pengalamane pas nang kana," lanjute Tisha maning.


Ya wis tunggu bae perkembangane karo nunggu bocah-bocah Garuda Select umure 18 taun. Sing jelas, semoga bal-balan nang Indonesia dadi tambah maju.


Share :