Nokia 3.1 Plus Siki Wis Mlebu Indonesia, Kiye Spesifikasi lan Regane

Selasa, 19 Maret 2019 : 13:41
Yuh Waca

Nokia 3.1 Plus siki wis resmi mlebu meng Indonesia. Kiye merupakan hape Android One sing dikenalna kawit Oktober 2018 ndisit. Tapi nyong heran, nangapa mbene mlebu meng Indonesia siki ya?

Siki nang Indonesia wis bisa dituku lewat situs dodolan online kaya Blanja karo Erafone. Nokia 3.1 plus diregani mulai Rp 2.399.000.

Hmm... Diregani Rp 2,3 juta, spesifikasine mirip-mirip karo Nokia 5.1 sing wis didol nang Indonesia lewih suwe. Bedane, Nokia 3.1 plus nganggo tipe layar urung berponi.

Ukuran layar Nokia 3.1 plus ambane 6.0 inci, resolusine HD+ (1440x720 piksel). Wis nganggo aspek rasio layar 18:9, nganggo jenis layar IPS.

Nokia 3.1 Plus wis nganggo sistem operasi Android 8.1 Oreo sing bisa diupgrade meng Android 9.0 Pie. Sistem UI-ne, nganggo stok Android, soale kan kiye merupakan Android One kaya sing wis disebutna nang dhuwur mau. Android One kiya bakal ulih dukungan langsung kan Google 2 taun penuh termasuk dukungan upgrade software karo security patch wulanan.

Nggo foto-foto, kamera Nokia 3.1 Plus wis bagus. Kamera mburine wis nganggo kamera ganda sing ukuran lensa utamane 13MP karo bukakan aperture f/2.0 lan lensa depth sensore 5MP bukakan apertur f?2.4. Dadi hape kiye wis bisa dienggo go foto bokeh lur.

Lah kamera ngarepe nganggo resolusi 8MP bukakan lensa f/2.2 sing wis bagus nek dienggo selfie.

Jeroan Nokia 3.1 Plus wis disenjatani nganggo chipset MediaTek Helio P22 wis octa-core sing kecepatane biasa jog 2GHz. Nganggo 3GB RAM lan ROM gedene 32GB. Nokia 3.1 wis bisa dienggo dolanan game abot soale wis didukung nganggo GPU PowerVR GE8230.

Memorine bisa ditambaih nganggo microSD sampe maksimal 400GB. Lah, maene maning, batre Nokia 3.1 bisa dikategorikna cukup gedhe, 3.500 mAh.

Oh iya, Nokia 3.1 Plus juga wis dilengkapi karo sistem sidik jari nang bagian mburi, dadi aman lan cepet ora mawi ngetiki pola maning.

Nek rika arep tuku hape Nokia 3.1 Plus, bisa meng situs dodolan online Blanja karo Erafone. Nang kono lagi ana promo pre-order potongan rega langsung Rp 150.000 lan gratis 'Paket Unlimited Youtube' sampe setaun nggo 20 pembeli pertama. Lumayan lur, Youtube-an gratis setaun sampe boyeh.

Share :