Bambang Soesatyo: Debat Kiai Ma'ruf vs Sandi Ora Imbang anu Beda Jam Terbang

Selasa, 19 Maret 2019 : 07:39
Yuh Waca

Minggu wengi (17/03), debat ketelu calon wakil presiden Pilpres 2019 sing temane kesehatan, pendidikan, ketenagakerjaan, sosial lan budaya wis rampung.

Ketua Dewan Perwakilan Rakyat (DPR), Bambang Soesatyo duwe penilaian nek Kiai Ma'ruf nguasani kabeh bab-bab sing ana nang debat pas ngelawan Sandiaga Uno.

"Menurut penilaiane enyong, beliau nguasani banget persolan lan subtansi. Pitakonan-pitakonan sing ana dijawab tuntas pas karo wawasan sing diduweni.", jere Bambang Soesatyo nang gedong DPR, Jakarta, Senen (18/3).

Mung bae, wong sing sering diundang Bamsoet kuwe juga nilai nek debat wingi mbengi ora imbang. Menurute politikus Golkar mau, hal kuwe mungkin anu KH Ma'ruf Amin lewih unggul adoh dideleng kan jam terbang dibanding Sandiaga Uno.

"Justru nyong ndeleng 'ora imbang' karena mungkin jam kerja Pak Ma'ruf lewih dhuwur, sementara Sandi ya kan pada bae karo nyong, reatif enom, mungkin jam terbange esih terbatas.", jelase Bambang maning.

Kuwe menurute Bambang Soesatyo, nek menurute panjenengan kepriwe sedulur ngapakers? Pada bae apa duwe pendapat liyane? Tulis nang kolom komentar njejel.
Share :